Shkup, 17 dhjetor - Me solemnitet qendror në Shtëpinë e ARM-së me moton "Pesëmbëdhjetë vjet miqësi dhe partneritet evropian", Ministria e Punëve të Jashtme e Maqedonisë dhe shumë përfaqësi të huaja diplomatike konsullare, sot do ta shënojnë 15 vjetorin e vendosjes së marrëdhënieve diplomatike të Republikës së Maqedonisë me 13 vende evropiane.

Krahas koncerteve të shumta, ekspozitave, projeksioneve të filmave dhe manifestimeve tjera që me rast të jubileut u mbajtën ditëve të kaluara, sot do të organizohet edhe e ashtëquajtura "Dita e dyerve të hapura" me të cilat ambasadat britanike, norvegjeze dhe suedeze do t'ju mundësojnë qytetarëve hyrje të lirë dhe njohje të drejtpërdrejt me punën e përfaqësive të huaja konsullare.